Մաթեմատիկա

Ձմեռային   հեռավար դպրոց     6-րդ դասարան

Սիրելի՛ սովորողներ, հունվարի 11-ից 15-ը աշխատալու ենք հեռավար, խնդրում եմ հետևեք բլոգում տեղադրված առաջադրանքներին: Խնդիրների լուծումը տեղադրեք Ձեր բլոգում,կամ google տետրում  և հղումը ուղարկեք  ինձ: 


Առաջադրանքներ

1. Գտնել 1*7* տեսքի բոլոր քառանիշ թվերը, որոնք առանց մնացորդի բաժանվում են 12-ի:
2.Ո՞րն է 7-ով սկսվող ամենամեծ եռանիշ թիվը, որը բաժանվում է 9-ի և որի բոլոր թվանշաններն իրարից տարբեր են:3.Դասարանում կա 7 տղա և 11 աղջիկ: Քանի՞ եղանակով է հնարավոր մեկ տղայից և երկու աղջկանից կազմված թիմ ընտրել:4.Վերելակը 1-ին հարկից 6-րդ հարկ բարձրանում է 30 վայրկյանում: Քանի՞ վայրկյանում վերելակը կբարձրանա 1-ին հարկից 3-րդ հարկ:
5.Դասարանի աշակերտները կանգնած էին շարքով, ամեն շարքում երկու աշակերտ: Աշակերտներից մեկն իր առջև հաշվեց 7 շարք, իսկ շրջվելով իր հետևում հաշվեց 4 շարք: Քանի՞ աշակերտ կա դասարանում:

6.Հարցականների փոխարեն գրել մաթեմատիկական գործողության նշաններ այնպես, որ ստացվի ճիշտ հավասարություն.

18 ? 12 ? 2 ? 3 = 111

7.Քանի եղանակով կարելի է նստեցնել հինգ հյուրերին հինգ աթոռների վրա:

8. Տասը քաղաքներից յուրաքանչյուրից մյուսը մեկնում է մեկ ավտոբուս: Քանի ավտոբուս կպահանջվի:

9. Քանի ձևով կարելի է գրադարակում տեղավորել հինգ գրքերից երեքը:

10.Վաճառողի մոտ կա 20 տարբեր գույների փուչիկներ` դեղին, կանաչ, կապույտ և կարմիր: Այդ փուչիկներից 17-ը կանաչ չեն, 5-ը կարմիր է, իսկ 12-ը դեղին չեն: Քանի՞ կապույտ փուչիկ կա վաճառողի մոտ:
11. 2 լուցկու հատիկ տեղափոխել այնպես, որ ստացվի 6 եռանկյուն: Ընդ որում, պետք է ստացվեն միայն եռանկյուններ:



12.Գտնել եռանիշ թվի և նրա թվանշանների գումարի հարաբերության ամենամեծ արժեքը:

13.Կինը շուկա էր տանում ձվերով լի զամբյուղ: Անցորդի պատահական հրումից զամբյուղն ընկավ և ձվերը կոտրվեցին: Մեղավորը ցանկանալով փոխհատուցել` հարցրեց ձվերի քանակը: Կինը պատասխանեց.  —  Հստակ չեմ հիշում, բայց գիտեմ, որ երբ զամբյուղից հանում էի 2-ական, 3-ական, 4-ական, 5-ական, 6-ական ձու, զամբյուղում մեկ հատ մնում էր, 7-ականի դեպքում չէր մնում: Քանի՞ ձու կար զամբյուղում:

14.Երկու ընկերներ` Հայկն ու Տիգրանը, մի օր որոշեցին շախմատ խաղալ շախմատային ակումբում: Նրանք երկուսն էլ խաղացին մի քանի պարտիաներ: Հայկը ոչ մի անգամ չպարտվեց` 2 խաղում տարավ հաղթանակ, երեք խաղում ոչ ոքի: Իսկ Տիգրանը երեք խաղում հաղթեց, երեքում` պարտվեց: Ի՞նչի է հավասար ամենաքիչ խաղերի քանակը, որ կարող էին խաղալ Տիգրանն ու Հայկը: