Աֆրիկա

Վիքիպեդիայից՝ ազատ հանրագիտարանից

Աֆրիկան տարածքի մեծությամբ (30,3 մլն. կմ²) և բնակչության թվով (1,033 մլրդ) երկրորդ մայրցամաքն է՝ Եվրասիայիցհետո։ Աֆրիկան կազմում է երկրագնդի տարածքի վեց տոկոսը և ցամաքային տարածքի 20,4 տոկոսը^[1]: Բնակչությունը կազմում է Երկիր մոլորակի բնակչության 15%-ը^[2]: Մայրցամաքը Եվրասիայից բաժանվում է հյուսիսում Միջերկրական ծովով , Սուեզի ջրանցքով և Կարմիր ծովով , հյուսիսարևելքում՝ Կարմիր ծովով, Բաբ Էլ Մանդեբի նեղուցով, Սուեզի ջրանցքով, Ադենի ծոցով : Մայրցամաքի արևելքում Մադագասկար կղզին է,որը բաժանվում է մայրցամաքից Մոզամբիկի նեղուցով : Մայրցամաքում գործում են 54 ճանաչված անկախ պետություններ և երկու դե ֆակտո պետություններ։

Աֆրիկայի բնակչությունը ամենաերիտասարդն է բոլոր մայրցամաքների մեջ, աֆրիկացիների 50%-ը ծնվել է 1991 թվականին կամ ավելի ուշ^[3][4]: Ալժիրը տարածքով ամենամեծն է մայրցամաքում, իսկ բնակչությամբ ամենամեծըՆիգերիան է։