Լրացուցիչ աշխատանք

Եղիշե Չարենք

Աշունը դեղնաթուխ նստել է դռանը

Աշունը դեղնաթուխ նստել է դռանը:
Մրսած ու կծկված՝ դողում է, վայում է:
Երկինքը թխպակալ կարծես մի բերան է՝
Ուզում է կլանել կանաչը, գարունը:

Մրսած ու կծկված դողում է իմ շունը.
Փարվել է ոտքերիս` մենակ է, տխուր է:
Աչքերը լացկումած, քաղցած են ու խորը,
Աչքերը աչքերիս ասում են` աշո՛ւն է…

Աշո՛ւն է, օ, շո՜ւն իմ, աշո՛ւն է, աշո՛ւն է,
Գգվի՜ր, փաթաթվի՜ր իմ ոտքերին հիմա.
Քաղցած, ամեհի է գայլի պես աշունը —
Աշունը մշո՛ւշ է, մորմո՛ք է ու մահ…

Անծանոթ բառերը դուրս գրիր և բառարանի օգնությամբ բացատրիր։

Փոխաբերությունները բացատրիր.

• Աշունը դեղնաթուխ նստել է դռանը:
  Մրսած ու կծկված՝ դողում է, վայում է:
• Երկինքը թխպակալ կարծես մի բերան է՝
  Ուզում է կլանել կանաչը, գարունը:

Ներկայացրու այս բանաստեղծությունը պատկերող նկարը:

Ինչպե՞ս է կապվում շան կերպարը աշունը ներկայացնող պատկերների հետ։

Բանաստեղծությունը վարժ կարդալ սովորիր։